May bf ka na?
Ito na ata ang tanong na paulit ulit kong narinig sa buwan na to. Mas madalas ata akong natanong ng tanong na to kaysa mga tanong gaya ng: San ka na ngayon? Anong trabaho mo? Grad ka na ba? Nakakasawa na. Ni hindi ko na mabilang kung ilang beses ko na tong narinig. Tuwing matatanong ako nito, sa isip-isip ko, Eto na naman tayo. At mahahaba-habang paliwanagan na ang susunod dahil sa reaksyon at kasunod na tanong nila sa sagot ko.
Simple lang naman sagot ko. WALA PA. At sunod na dun ang mga tanong.
Ows. Talaga?
Bakit naman?
Di ako makapaniwala.
At ang paborito ko:
Sa ganda mong yan at talino mo, wala talaga?
Hehe. Eh sa ano naman kasi kung wala talaga? Kahit ako nahirapan nag i-explain sa sarili ko kung bakit. Alam ko di pa panahon. Di pa sya dumadating. Di ko pa sya nakikilala (o baka nakilala ko na di ko lang alam na sya na pala kasi di pa nga time).
So, kung meron pa rin magtanong sakin kung bakit wala pa rin akong boyfriend, isa lang ang isasagot ko: DI PA KASI TIME. At ayoko na mag-explain pa ng pagkahaba-haba. Nakakapagod na. Hehe. ;D
